Юхан Лиив (30.04.1864-1.12.1913) - эстон кылбуретын бадӟымез кизили, та кылбурчилэсь одӥгзэ ке но кылбурзэ тодэ котькудӥз эстон адями. Шуо: «Котькудӥзлэн туала эстон кылбурчилэн творчествоязы вань Юхан Лиивлэсь асэстэм кылсурсдъёссыз (образъёс) но темаосыз». Юхан Лиивлэн нимыз пыремын дышетскон книгаосы, азбукаосы, ваньмазсямен эстон кьллюкамъёсы. Уно кылбуръёсызъя кырзанъёс гожтэмын. Шуо на: «Тодэмед ке потэ эстон калыклэсь лул-сюлэмзэ, лыдӟы Юхан Лиивлэсь кылбуръёссэ». Та книгае быръемын кылбурчилэн тужгес но тодмо луэм ужъёсыз. Соос сётэмын гожгэм (эстон) кылынызы но удмурт кылэ берыктыса. Оскиськом, книга пайдаё луоз дышетскисьёслы но дышетисьёслы, ваньмызлы, кин гажа кылбурез.