Та тетрадь пӧртэм пумо удмурт сюй мунё лэсьтыны дышетон понна дасям методической юрттэт луэ. Этнографической материалэз уже кутыса, удмурт сюй мунёос бордын трос аръёс ӵоже ужа Анатолий Степанов. Со усьтӥз «Мугур» нимо мастерской, кытын Степановъёслэн быдэс семьязы тырше: Надежда Степанова (дышетӥсь), Вера но Григорий Степановъёс (Искусствоосъя факультетэз быдтэм егит ӧнерчиос). Тетрадь чебер альбом выллем лэсьтэмын. Со - пиналъёслы суреданъя урокъёсын методической дэмланъёсын ужан тетрадь. Пиналъёс горд сюйлэсь шудонъёс лэсьтон но соосты чеберман амалъёсын тодматско. Методической юрттэтэз дышетӥсьёс но пиналъёс но уже кутыны быгатозы. Со сяна, та тетрадез суреданъя, технологияя, шаертодонъя (краеведение) урокъёсын но кутыны луоно.