Таяз бичетын печатламын 2009-тӥ но 2007-тӥ аръёсы Кузебай Гердлы сӥзем лыдӟонъёсысь ужъёс. Вань текстъёс печатласько сыӵе кылын, кыӵеен вераськизы авторъёс та кык пумиськонъёсын. Печатлам ужъёсын 1-тӥ люкетаз бадӟым саклык висъяське Кузебай Гердлэсь дышетон удысын мерассэ (наследизэ) эскеронлы, кылсярысь, солэн покчи ёзо школалы дышетон книгаосыз; К. Герд но удмурт нылпи литература; К. Герд но туала дышетон ужпумъёс; К. Гердлэн кылбуретаз кылсуредъёсын кыллюкам. Бичетлэн 11-тӥ люкетаз вераськон мынэ Кузебай Гердлэн вакытысьтыз туж тодмо но дано удмурт калыклэн пиез Трофим Кузьмич Борисов сярысь: историтодосчиос пыр-поч эскеро солэсь улон-ужан сюрессэ; тодэ ваёнъёс-сэс верало солэн ӵыжы-выжыосыз; Т. К. Борисовлэсь нимзэ нуллӥсь Можга педколледжысь кивалтӥсьёс но дышетӥсьёс тупен-тупен мадё Кузебай Гердлэн соратникезлэсь чылкыт нимзэ утьыса возьыны тыршемзы сярысь.