Удмуртъёс пӧлын югдытон уж но удмуртъёсыз эскеронлы сӥзем вань гуманитарной тодосъёс, соос радын удмурт кылосбур но, кутскон басьтӥзы XVIII дауре. Та ужпумъёсыз ӝутонын бадӟым уж лэсьтӥзы ӟуч но кунгожсьӧр мынӥсь-ветлӥсьёс но пӧртэм удысъёсысь тодосчиос. Лыдӟисьёслы ӵектэм та книга ӵапак сӥземын удмурт кылосбурлэсь но сое пӧрмытӥсь котькуд люкетэзлэсь кылдэмзэ но соослэсь нырысь вамышъёссэс эскеронлы; отын бадӟым саклык висъямын озьы ик XVIII дауре филология удысын тыршем тодосчиослы. Удмурт Элькунысь тодос ужасьёслы, вузъёсысь дышетӥсьёслы но студентъёслы, финн-угор кылтодон удысысь ӧнермуртъёслы но озьы ик ваньмызлы, кинъёс тунсыкъясько удмурт лулчеберетлэн азинскон сюресэныз.