Советской Союзысь Коммунистической партилэсь адямилы быдэ ӥӧл, вӧй но сӥль поттонъя матысь аръёсы США-ез сутыны ӧтемзэ котькытын колхозникъёс шумпотыса, огмылкыдын пумитазы. Та ӧтён пудо вордӥсьёслэсь ужан мылкыдзэс уката вылэ ӝутӥз. Брошюралэн авторъёсыз Н. П. Павлов но М. Н. Сметанин верало та ӧтемен валче Можга районысь пудо вордӥсьёслэн обязательствооссы сярысь, соослэн берло аръёсы кыӵе амалъёсын вормонъёс басьтэмзы сярысь. Авторъёс яркыт возьмато пудо вордонэз но солэсь пайдалыксэ ӝутон понна нюръяськонын коммунистъёслэсь но комсомолецъёслэсь кивалтӥсь рользэс, районной партийной организацилэсь та ужез радъян опытсэ но агитационно-пропагандистской уж нуэмзэ. Брошюраез мылысь-кыдысь лыдӟозы пӧртэм удысъёсын ужасьёс. Пудо вордӥсьёс отысь трос выльзэ, уж понназы ярамонзэ, тодозы. Тросэз колхозникъёс, Можга районысь колхозникъёслэн ужан опытсы сярысь лыдӟыса, уката но умойгес валалозы на, макем бадӟымесь луонлыкъёс вань пудо вордонэз азинтон удысын, Кызьы со луонлыкъёсты уже кутэмен колхозъёслэн доходзы будэ, колхозникъёслэн улон-вылонзы умоятске. Агитаторъёс тодозы, кызьы агитационно-массовой ужез умойгес герӟано нуналлы пусъем ужпумъёсты быдэсъянэ вань калыкез ӝутонэн. Брошюраез мылысь-кыдысь лыдӟозы партийной, комсомольской ужасьёс, озьы ик МТС-ёсын но совхозъёсын ужасьёс. Брошюра яралоз городысь лыдӟисьёслы но, кылсярысь, промышленной предприятиосысь партийной организациослэн агитаторъёссылы. Отысь соос шедьтозы беседаос ортчытъян понна узыр материал.