Василий Ванюшевлэн та книгаяз пыремын азьло аръёсы потэм сборникъёсаз печатлам но калыкын тодмо луэм кылбуръёсыз, балладаосыз, поэмаосыз; соос пӧлысь тросэз берыктэмын ни ӟуч, чуваш, куд-огез бигер, пор но коми кылъёсы, данакезлы композиторъёс гур гожтӥзы. Со сяна, нимысьтыз люкетэ висъямын берло аръёсы гожтэм кылбуръёсыз но поэмаосыз. Та книгаез, оло, быръем произведениосын том шуыны луысал. Кылбур чуръёсын жингырто пурысьтам вашкалае кошкись выжыосмес шӧдон, туала но азьлапал улонмес радъян пумысен сюлэмшуг. Трос саклык висъямын Быдӟым Отечественной войнаын секыт но дано вормонлы. Быдэс книга пыр пото нылкышноез данъян но яратон мылкыдъёс, адямилэн инкуазен кусыпъёсыз. Йырсазямы дауръёсты герӟало авторлэн дунне шоры калык сямъёс пыр учкемез но улонысь шушез-чеберез калык синмын адӟемез-валамез. Книга сӥземын кылбурчилэн 60 арес тырмонэзлы.