Ульфат Бадретдинов - дас куать книгаослэн авторзы. Вапьмыз пӧлысь тямысэз пичи книгаосыз «Вордскем кыл» журнал пушкын печатламын. Лыдӟиськыны яратӥсьёс соосын тодматскизы ни, вылды. «Вероника плюс...» книгаяз пыртэмын пӧртэм жанрен гожтэм ужъёсыз: повесть, веросъёс, новеллаос, выжыкылъёс, юморескаос, сценкаос, эссе, статьяос, кылбуръёс-кырӟанъёс. Соос пыр автор асьме упонмес котыр ласянь возьматыны тырше. Серемес учыръёсты но суреда, сюлэмшугьяськытӥсь югдуръёсты но палэнэ уг кельты. Котькуд произведениез бӧрсьы тунсыко юаньӧс но сётъя на. Со юанъёс лыдӟисьлэсь малпаськон ӧрзэ муромытыны, саклыксэ будэтыны юрттозы. Дышетӥсьёс та книгаез урокъёсазы, занятиосазы уже кутыны быгатозы.