Автор аслаз романаз чеберлыко суреда Ватка, Кам но Тӧдьы шуръёс котырысь вашкала песятайёсмылэсь улэм-вылэмзэс, соослэсь паськыт ӵошалъёс кузя «лобась» кырмуртъёсын но мукет бускель калыкъёсын кусыпъёссэс; пӧртэмесь вал со кусыпъёс: ог-огедлы пӧртэм вузъёсын юрттон но, музъемед яке эрикед понна кӧшкемыт ожмаськонъёс но... Произведениын асьме эралэсь азьло суредъёсты возьматэмын ке но, автор быгатыса но оскымон суреда вашкала калыкъёслэсь ӟырдыт но йӧно сямъёссэс, инмаръёссылы куриськон-вӧсяськонъёссэс, улон-вылон интыосысьтызы юнъюрткаръёссэс (крепостьёссэс), корка пуш абериоссэс, нуллоно дӥськутъёссэс, пӧйшуран но ожмаськон тӥрлыкъёссэс... Книга синйылтымон потоз, дыр, историен но вашкала ӵыжы-выжыосынымы тунсыкъяськисьёслы.