Книга сӥземын удмурт кылъя но литературая элькунамы тодмо луэм дышетӥсьлэн Р. П. Герасимовалэн трос аръёс ӵоже тыршыса ужамезлэн емышезлы — соин кылдытэм литературно-творческой кружокезлэн будон но азинскон сюресэзлы. Сюлмысь тыршыса будэтэм «сяськаезлэн» — «Зангарилэн» — тросэз «бурдъёсыз», палэнэ лобӟыса, асьсэос выжы лэзьылӥзы ини. Нош кружоке ветлэм вакытъёссэс нылъёс но пиос огзы но уг вунэто, шунытэн тодазы вайыло. Угось куд-огезлы «Зангари» улоназы сюрес бырйыны но юрттӥз. Книга тунсыко луоз литературно-творческой кружоке ветлӥсьёслы но соин кивалтӥсьёслы, озьы ик удмурт кылэз дышетӥсьёслы но сое гажасьёслы.