Быдэс дуннелы тодмо луэм Мултан уж мытэмын вал 1892 арын. Россиысь демократической мылкыдо адямиос ӝутскемен, янгыше уськытэм удмуртъёс 1896 арын шонерен лыдъямын вал. Мултан ужъя уно гожъямын ини. Озьы ке но, калык троссэ уг тоды на, югдур котыр ласянь сэрттэмын-пертчемын ӧвӧл. Та книгалэн авторез В. М. Ванюшев шедьтэм на трос выльзэ. Но та очерк историысь туж секыт учыр сярысь гинэ ӧвӧл, адямиез гажан, зэмлыкез утён сярысь, ӟеч сюлэмо, визьмо, туж секыт адӟонэ сюрем муртъёслы юрттыны дась луись интеллигентъёс сярысь. Соос пӧлын: В. Г. Короленко, Г. Е. Верещагин, М. И. Дрягин, А. Ф. Кони, Ф. А. Патенко но мукетъёсыз. Удмурт Республикаысь Министръёслэн Советсы 1996 арын чакла Мултан ужен герӟаськем зэмлыклэн вормемез дырысен 100 ар тырмонэз сӥё-дано пусйыны. Та ласянь нимысьтыз план юнматэмын. Сое быдэсъяса ик, поттӥськом та книгамес но.