Журналистлэн та сборниказ пыртэмын 30-тӥ но 40-тӥ аръёсы, 50-тӥ аръёслэн кутсконазы И. Сталин кивалтон вакытэ Удмуртиын репрессия улэ шедем адямиос сярысь повестез но очеркъёсыз. Ваньмыз соос гожтэмын азьло КГБ-лэн архивъёсаз кылем документъёсъя. Книгалэн валтӥсь героез Н. И. Евсеев - удмурт вузчи, эксэй Россиын Государственной думалэн депутатэз, Октябрь революция бере Учредительной кенешлэн членэз. Граждан ожъёс дыръя вал Удмуртиысь правой эсеръёслэн одӥгез кивалтӥсьсы. Кык пол ссылкае келяллямын. Репрессия улэ кыскыса, Томск губерниын ыбемын. Сыӵе ик адӟонэ сюризы «Удмурт коммуна» газетлэн азьло редакторез М. И. Волков, азьвыл Нылга ёросысь «Революция» колхозлэн тӧроез Ф. В. Шишлин, Кияса ёросысь плотник И. Б. Кадров. Кӧня вал соос - 30-тӥ но 40-тӥ аръёсы, 50-тӥ аръёслэн кутсконазы юнме шорысь янгыше уськытэм но ыбылэм, виылэм, тюрьмаосын но ссылкаосын курадӟытэм адямиос! Соос сярысь гожтэ журналист Николай Евсеев.