1918 арын 31 октябре, Кам котырын гражданской война лек гудыръяку, Елабуга городын потыны кутскиз нырысетӥез удмурт большевистской газет - "Гудыри". Со кышкатэк, йыгмыт вамышъёсын сюрес лёгиз Октябрь революция бере вордскем удмурт печатьлы азинскыны. Удмуртиысь партийной организацилэн зэмос юрттисез луыса, "Гудыри" - "Удмурт коммуна" - "Советской Удмуртия" - дано инты басьтӥз удмурт калыклэн улоназ, солэсь экономиказэ но культуразэ сяськаяськытон понна нюръяськонын. Та книга сӥземын газетлы 50 ар тырмемезлы, отын ужам но ужась журналистъёслы, газетлэн рабселькоръёсызлы.